Introductio in analysin infinitorum

x PRÆFATIO. esset opus. Atque quemadmodum Logarithmi peculiarem Algorithmum requirunt, cujus in universa Analysi sum- mus extat usus, ita quantitates circulares ad certam quo- que Algorithmi normam perduxi; ut in calculo æque commode ac Logarithmi & ipsæ quantitates algebraicæ tractari possent. Quantum autem hinc utilitatis ad reso- lutionem difficillimarum quæstionum redundet, cum non- nulla Capita hujus Libri luculenter declarant, tum ex Analysi infinitorum plurima specimina proferri possent, nisi jam satis essent cognita, & indies magis multiplica- rentur. Maximum autem hæc investigatio attulit adju- mentum ad Functiones fractas in factores reales resolven- das; quod argumentum, cum in Calculo integrali sit pror- sus necessarium, diligentius enucleavi. Series postmodum infinitas, quæ ex hujusmodi Functionum evolutione nas- cuntur, & quæ recurrentium nomine innotuerunt, exa- mini subjeci; ubi earum tam summas quam terminos ge- nerales, aliasque insignes proprietates exhibui: & quoniam ad hæc resolutio in factores manuduxit, ita vicissim, quem- admodum producta ex [TRUNCATED]