Methodus inveniendi lineas curvas

IN RESOLVENDIS QUÆSTIONIBUS. 263 COROLL. IV. 35. Cum igitur hoc modo $W$ fiat functio litterarum $A, B, C,$ &c. ejus differentiale hujusmodi habebit formam $FdA+GdB+HdC+$ &c. hincque æquatio quæsita erit $0 = FdA+GdB+HdC+$ &c. ubi $F, G, H$ &c. erunt quantitates constantes, per $A, B, C$ &c. determinatæ. COROLL. V. 36. Æquatio ergo Problemati satisfaciens, constabit ex valoribus differentialibus singularum formularum integralium in maximi minimive expressione $W$ contentarum, singulis per constantes quantitates determinatas multiplicatis: horum scilicet productorum aggregatum nihilo æquale positum dabit æquationem desideratam. SCHOLION I. 37. Potuissemus hanc Problema propositum resolvendi methodum, ex solutionibus binorum Problematum præcedentium, per inductionem, jam concludere: quippe ex quibus jam patebat, si fuerit maximi minimive formula $W$, vel productum ex duabus formulis integralibus, vel quotus ex divisione unius per alteram ortus, tum differentiale expressionis $W$ modo exposito sumtum præbere æ [TRUNCATED]